விலை ரூ. 2,499 தான்.. ப்ளூடூத் காலிங் வசதியுடன் புது ஸ்மார்ட்வாட்ச் அறிமுகம்

நாய்ஸ் நிறுவனத்தின் முற்றிலும் புதிய கலர்பிட் பல்ஸ் 4 மேக்ஸ் ஸ்மார்ட்வாட்ச் மாடல் இந்தியாவில் அறிமுகம் செய்யப்பட்டது. புது ஸ்மார்ட்வாட்ச் மாடல் பெரிய டிஸ்பிளே, ஏஐ அம்சங்கள் என ஏராள வசதிகளை கொண்டிருக்கிறது. சமீபத்தில் நாய்ஸ்பிட் ஜாவெலின் லிமிட்டெட் எடிஷன் ஸ்மார்ட்வாட்ச் அறிமுகம் செய்த நாய்ஸ் நிறுவனம் தற்போது அடுத்த மாடலை அறிமுகப்படுத்தி இருக்கிறது.

இந்தியாவில் ஏஐ கிரியேட் (AI Create) அம்சம் கொண்ட முதல் ஸ்மார்ட்வாட்ச் என்ற பெருமையை இந்த மாடல் கொண்டிருக்கிறது. இதை கொண்டு பயனர்கள் தாங்கள் விரும்பும் வகையிலான வாட்ச் ஃபேஸ்களை ஏஐ மூலம் உருவாக்கிக் கொள்ள முடியும். இத்துடன் இதில் உள்ள ஏஐ அம்சம் நாம் கேட்கும் கேள்விகளுக்கும் பதில் அளிக்கும்.

அம்சங்களை பொருத்தவரை கலர்பிட் பல்ஸ் 4 மேக்ஸ் மாடலில் 1.96 இன்ச் AMOLED ஸ்கிரீன், 100 பிரத்யேக கிளவுட் சார்ந்த வாட்ச் பேஸ்கள் வழங்கப்பட்டு உள்ளன. இத்துடன் நாய்ஸ் நிறுவனத்தின் ட்ரூ சின்க் தொழில்நுட்பம் வழங்கப்பட்டு இருக்கிறது. இது ப்ளூடூத் காலிங், பேரிங் மற்றும் மிகக் குறைந்த மின்திறனை பயன்படுத்தும். மேலும் நாய்ஸ் ஹெல்த் சூட் அம்சம் இதில் உள்ளது.

இது 24×7 இதய துடிப்பு கண்காணிக்கும், SpO2, ஸ்லீப் டிராக்கிங், ஸ்டிரெஸ் மேனேஜ்மென்ட் போன்ற வசதிகளை வழங்குகிறது. இத்துடன் 100-க்கும் மேற்பட்ட ஸ்போர்ட்ஸ் மோட்கள், IP68 தர வாட்டர் ரெசிஸ்டண்ட் வசதி கொண்டிருக்கிறது. இதனை பயனர்கள் நாய்ஸ்பிட் ஆப் மூலம் கனெக்ட் செய்து பயன்படுத்தலாம்.

இந்தியாவில் புதிய நாய்ஸ் கலர்பிட் பல்ஸ் 4 மேக்ஸ் மாடல் ஜெட் பிளாக், டீப் வைன், ரோஸ் கோல்டு, ஸ்பேஸ் புளூ மற்றும் பிளாக் லின்க் (மெட்டாலிக் ஸ்டிராப்) மற்றும் காம் சில்வர் லின்க் (மெட்டாலிக் ஸ்டிராப்) போன்ற வண்ணங்களில் கிடைக்கிறது. இதன் விலை ரூ. 2,499 ஆகும்.