தமிழகத்தில் ஒரு காலத்தில் நன்றாகப் படித்து நல்ல மதிப்பெண்கள் எடுத்தால் நிச்சயம் அரசு வேலை கிடைத்துவிடும் என்ற ஒரு பொதுவான நம்பிக்கை மக்கள் மத்தியில் ஆழமாக வேரூன்றி இருந்தது. ஆனால், காலம் மாற மாற அந்த நம்பிக்கையின் சித்திரமும் மெல்ல மெல்ல சிதையத் தொடங்கியது. ஒரு கட்டத்தில், “நீ என்ன வேண்டுமானாலும் படி, எவ்வளவு மார்க் வேண்டுமானாலும் எடு, ஆனால் கையில் இவ்வளவு லட்சங்கள் பணம் இருந்தால் மட்டும்தான் உனக்கு அரசு வேலை கன்ஃபார்ம்” என்று பகிரங்கமாகப் பேசும் அளவுக்குச் சிஸ்டம் முற்றிலும் சீரழிந்து போயிருந்தது. ஏழை மற்றும் நடுத்தரக் குடும்பங்களைச் சேர்ந்த லட்சக்கணக்கான தகுதியான இளைஞர்கள், தங்களின் திறமை இருந்தும் லஞ்சப் பணம் கொடுக்க முடியாத ஒரே காரணத்திற்காகத் தங்களின் அரசு வேலை கனவைத் துறந்துவிட்டு ஏமாற்றத்துடன் வாழ பழகிக் கொண்ட ஒரு அவலநிலை நிலவி வந்தது.
இத்தகையதொரு இருண்ட அரசியல் மற்றும் சமூகச் சூழலில்தான், தற்போதைய முதலமைச்சர் விஜய் தலைமையிலான புதிய அரசு, இளைஞர்களின் நம்பிக்கையை மீண்டும் துளிர்க்கச் செய்யும் மாபெரும் மாற்றத்தை நிகழ்த்திக் காட்டியுள்ளது. அண்மையில் நடைபெற்ற அரசுப் பணி நியமன ஆணை வழங்கும் விழாவில், முதலமைச்சரின் கைகளால் நேரடியாகப் பணி நியமன ஆணையைப் பெற்றுக் கொண்ட ஒரு இளம் பெண் மேடையில் பேசும்போது உணர்ச்சிப் பெருக்குடன் ஒரு கருத்தைக் குறிப்பிட்டார். தாம் எந்தவொரு லஞ்ச ஊழலிலும் ஈடுபடாமல், ஒரு ரூபாய் கூட யாருக்கும் லஞ்சமாகக் கொடுக்காமல், தங்களின் சொந்தத் திறமையையும் உழைப்பையும் மட்டுமே நம்பி இந்த அரசுப் பணியைப் பெற்றுள்ளதாகவும், அதற்குத் தங்களின் முழுமையான உழைப்பைத் திரும்பக் கொடுப்போம் என்றும் பெருமிதத்துடன் கூறினார். அந்த ஒரு சாமானியப் பெண்ணின் நெஞ்சார்ந்த வார்த்தைகள்தான், இன்றைக்குத் தமிழகத்தின் ஒட்டுமொத்த சிஸ்டமும் எப்படி நேர்மையான பாதையை நோக்கி மாறத் தொடங்கியுள்ளது என்பதை யோசிக்க வைத்துள்ளது.
காலங்காலமாகப் பொதுவெளியிலும் அரசியல் அரங்குகளிலும் பலரும் ஒரு கேள்வியை அடுக்கிக் கொண்டே இருந்தார்கள், அதாவது “லஞ்சம் மற்றும் ஊழல் இல்லாமல் ஒரு அரசாங்கத்தை எப்படிப்பா சுத்தமாக நடத்த முடியும்?” என்பதுதான் அது. அதற்குத் தற்போதைய முதலமைச்சர் விஜய் , வார்த்தைகளால் பதில் சொல்லாமல் தங்களின் அதிரடி செயல்களின் மூலம் மிகச்சிறந்ததொரு முன்னுதாரணத்தை சிஸ்டத்தில் செட் செய்து காட்டியுள்ளார். இதற்கு மிக முக்கிய சான்றாக, தற்போதும் மின்சார வாரியத்தில் மட்டும் சுமார் 15,000 பேரை புதிய வேலைவாய்ப்புகளுக்கு தேர்வு செய்து பணியமர்த்துவதற்கு இந்த அரசு அதிரடியாக அனுமதி கொடுத்துள்ளது. கடந்த 25 ஆண்டுகளுக்கும் மேலாக கடுமையான ஆள் பற்றாக்குறையினாலும், நிர்வாகச் சுமையினாலும் தள்ளாடிக்கொண்டிருந்த ஒரு முக்கியப் பொதுத்துறை நிறுவனத்தில், இவ்வளவு பெரிய எண்ணிக்கையில் ஆட்களைத் தேர்வு செய்வது என்பது சாதாரண விஷயமல்ல.
ஆயினும், இந்த அதிரடி நடவடிக்கையில் நமக்கு முக்கியமாகத் தெரிவது வெறும் அந்த 15,000 என்ற பிரம்மாண்டமான எண்ணிக்கை மட்டுமல்ல; மாறாக அந்த 15,000 வேலைகளுக்குப் பின்னால் நிம்மதிப் பெருமூச்சு விடக் காத்திருக்கும் 15,000 ஏழை, நடுத்தரக் குடும்பங்களின் வாழ்க்கையாகும். வெறும் வேலை கிடைத்தது என்பதை விட, தற்போதைய சூழலில் ஒரு பைசா கூட யாருக்கும் காசு கொடுக்காமல், இடைத்தரகர்கள் இல்லாமல், முழுக்க முழுக்கத் தங்களின் தகுதியால் மட்டுமே அரசு வேலை கிடைக்கும் என்ற இழந்த நம்பிக்கை சாமானிய மக்கள் மத்தியில் மீண்டும் திரும்ப வந்திருப்பதுதான் எல்லாவற்றையும் விட மிகப்பெரிய விஷயமாகப் பார்க்கப்படுகிறது. ஒரு ஏழைக் குடும்பத்திற்குப் பணி நியமன ஆணை என்பது வெறும் அரசாங்க காகிதம் மட்டுமல்ல, அது அந்த வீட்டில் இருக்கும் ஒரு அப்பாவின் நிம்மதி, ஒரு அம்மாவின் வாழ்நாள் சந்தோஷம் மற்றும் அந்த ஒட்டுமொத்தக் குடும்பத்தின் எதிர்காலப் பாதுகாப்பு ஆகும்.
இதன் காரணமாகத்தான், தேர்வு செய்யப்பட்ட 383 பேருக்கான பணி நியமன ஆணைகளையும், மேடையில் வெறும் அதிகாரிகளை வைத்து வழங்காமல், “நானே நேரில் நின்று ஒவ்வொருத்தருக்கும் என் கையால்தான் கொடுப்பேன்” என்று முதலமைச்சர் விஜய் பிடிவாதமாகக் கூறி அதனை நிறைவேற்றியுள்ளார். ஏனெனில், வெறும் எண்களையும் புள்ளிவிவரங்களையும் மட்டுமே பார்க்கின்ற ஒரு சாதாரண அரசாங்கம் வேறானவை; மக்களின் உணர்வுகளையும் மனிதர்களின் வாழ்க்கையையும் உற்றுப் பார்க்கின்ற ஒரு மக்கள் அரசாங்கம் முற்றிலும் வேறானவை என்பதை இந்த அரசு நிரூபித்துள்ளது. இந்த அதிரடி நடவடிக்கை என்பது வெறும் 383 பேருக்குக் கிடைத்த ஒரு சாதாரண வேலைவாய்ப்பு மட்டுமல்ல, காசு பணம் இல்லாவிட்டாலும் பரவாயில்லை, நம்மிடம் திறமையும் உழைப்பும் இருந்தால் இந்தத் தமிழ்நாட்டில் நேர்மையாக ஜெயித்து முன்னேறலாம் என்று லட்சக்கணக்கான ஏழை மாணவர்களின் மனதில் விதைக்கப்பட்டுள்ள ஒரு மாபெரும் நம்பிக்கையாகும்.
ஒரு அரசாங்கம் நினைத்தால் யாருக்கு வேண்டுமானாலும் வெறும் வேலைவாய்ப்புகளை வழங்கிவிட முடியும், ஆனால் ஒட்டுமொத்த மக்கள் மத்தியிலும், இளைஞர்கள் மத்தியிலும் இழந்த நம்பிக்கையை மீண்டும் உருவாக்குவது என்பது மிகவும் அரிதான, பெரிய விஷயமாகும். அந்த அசாத்தியமான நம்பிக்கையைத்தான் தற்போது முதலமைச்சர் விஜய்யின் அரசு மக்களுக்கு முழுமையாகக் கொடுத்துள்ளது. லஞ்சப் பணம் தேவையில்லை, உங்களின் திறமைக்கு மட்டுமே இங்கே வேலை என்று கம்பீரமாகச் முழங்கி, அதனைச் சொல்லிலும் செயலிலும் காட்டியுள்ள இந்த நேர்மையான அரசுக்கு மக்கள் 100க்கு 100 மதிப்பெண்கள் கொடுத்து கொண்டாடி வருகின்றனர்.