தமிழக அரசியல் களம் தற்போது வரவிருக்கும் இடைத்தேர்தல்களை நோக்கி மிக விறுவிறுப்பாக நகர்ந்து கொண்டிருக்கும் வேளையில், ஆளும் தமிழக வெற்றிக்கழகத்தின் உட்கூட்டணிக்குள் நிலவும் திரைமறைவு மோதல்கள் மற்றும் அரசியல் கணக்குகள் பெரும் விவாதப் பொருளாக மாறியுள்ளன. தவெக தலைமையிலான தற்போதைய அமைச்சரவையில் பங்கு வகித்துக் கொண்டு, அதே நேரத்தில் வெளியில் தங்களின் தனிப்பட்ட அரசியல் லாபங்களுக்காக இரட்டை ஆட்டம் ஆடி வரும் விடுதலைச் சிறுத்தைகள் கட்சியின் தலைவர் திருமாவளவன் உள்ளிட்ட சில கூட்டணிக் கட்சித் தலைவர்கள், இந்த இடைத்தேர்தலில் தவெக ஒருபோதும் வெற்றி பெற்றுவிடக் கூடாது என்றே உள்ளூர நினைப்பதாக அரசியல் உள்வட்டாரத் தகவல்கள் மிக பலமாகத் தெரிவிக்கின்றன. தவெக-வின் வெற்றியைத் தடுத்து, அதன் பலத்தைக் குறைப்பதன் மூலமே தங்களின் பேரம் பேசும் சக்தியையும், மிரட்டல் அரசியலையும் ஆட்சியில் நீட்டிக்க முடியும் என்ற சுயநலக் கணக்கில் கூட்டணிக் கட்சிகள் காய் நகர்த்தி வருகின்றன.
இந்த அரசியல் சதுரங்கத்தின் பின்னணியில் இருக்கும் மிக முக்கியமான பயம் என்னவென்றால், தற்போது தவெக சட்டமன்றத்தில் 107 இடங்களுடன் ஆட்சியைத் தக்கவைத்துள்ளது; இந்தச் சூழலில் 10 தொகுதிகளில் ஒருவேளை வரும் இடைத்தேர்தல்களில் தவெக தனிப் பெரும்பான்மையுடன் ஜெயித்துவிட்டால், சட்டமன்றத்தில் அதன் பலம் 117 ஆக உயர்ந்து கிட்டத்தட்ட முழுமையான மெஜாரிட்டி கிடைத்துவிடும் என்பதாகும். ஒருமுறை தவெக-வுக்குத் தனிப் பெரும்பான்மைக்கான மெஜாரிட்டி கிடைத்துவிட்டால், தங்களை எந்நேரமும் மிரட்டிக் கொண்டிருக்கும் கூட்டணிக் கட்சிகளை முதலமைச்சர் விஜய் மிக எளிதாக அமைச்சரவையில் இருந்து தூக்கி எறிந்துவிடுவார் என்ற பயம் அவர்களை உலுக்கத் தொடங்கியுள்ளது. தவெக-வின் பலம் கூடினால் தங்களால் ஆட்சியில் இனி எவ்வித ஆதிக்கமும் செலுத்த முடியாது என்பதையும், தங்களின் மிரட்டல் பாலிடிக்ஸ் இனி எடுபடாது என்பதையும் உணர்ந்தே இக்கட்சிகள் கலக்கத்தில் ஆழ்ந்துள்ளன.
இதன் காரணமாகவே, வெளியில் தவெக அரசுடன் இணக்கமாக இருப்பது போலக் காட்டிக் கொண்டாலும், இடைத்தேர்தல் களம் என்று வரும்போது தவெக-வின் வெற்றிக்கு இந்த உள்வட்டாரக் கூட்டணிக் கட்சிகள் மறைமுகமாக முட்டுக்கட்டை போடப் பார்க்கின்றன. தவெக போட்டியிடும் தொகுதிகளில் தங்களது வாக்கு வங்கிகளை முழுமையாக மாற்றாமல் இருப்பது, திரைமறைவில் உள்ளடி வேலைகளை அரங்கேற்றுவது மற்றும் எதிர்க்கட்சிகளுக்குச் சாதகமான சூழலை உருவாக்குவது போன்ற மறைமுகச் சதிகளில் அவர்கள் ஈடுபடலாம் என்று தவெக-வின் உளவுப் பிரிவும் எச்சரித்துள்ளது. தவெக-வின் பலத்தை 107 என்ற எல்லையிலேயே முடக்கி வைத்தால் மட்டுமே, தங்களால் எப்போதும் அரசுக்கு அழுத்தம் கொடுத்து தங்களுக்கு வேண்டிய சலுகைகளையும், மறைமுகப் பலன்களையும் பெற முடியும் என்று அவர்கள் கணக்குப் போடுகிறார்கள்.
ஆனால், தமிழக அரசியலில் ஒரு புதிய வரலாற்றைப் படைத்து, முந்தைய பொதுத்தேர்தலில் 107 தொகுதிகளில் மிக பிரம்மாண்டமாக வெற்றி பெற்று கோட்டையைக் கைப்பற்றிய முதலமைச்சர் விஜய்க்கு, இந்த வெறும் 10 தொகுதி இடைத்தேர்தலில் எப்படி வியூகம் அமைத்து ஜெயிக்க வேண்டும் என்பது அக்குவேற ஆணிவேறாகத் தெரியும். தேர்தல் களம் என்பது அவருக்குப் புதியதல்ல; மக்களின் நாடித் துடிப்பை நன்கு அறிந்த அவர், கூட்டணிக் கட்சிகளின் இத்தகைய இரட்டை நிலைப்பாடுகளையும், உள்ளடித் திட்டங்களையும் தற்போதே மிகத் துல்லியமாகக் கணித்து வைத்துள்ளார். 10 தொகுதிக்கும் அவர் ஒரே ஒரு விசிட் அடித்தால் போதும், எதிர்க்கட்சிகள் டெபாசிட் கூட வாங்குவது கடினம் என்பது தான் தற்போதைய நிலையாக உள்ளது.