இந்தியா கூட்டணி வேண்டாம்.. தேசிய அளவில் விஜய் அமைக்கும் தனி கூட்டணி.. விஜய் தான் பிரதமர் வேட்பாளர்.. இதை ஏற்று கொள்ளும் கட்சிகள் கூட்டணிக்கு வரலாம்.. யாரும் வரவில்லை என்றாலும் பரவாயில்லை, தனித்தே போட்டி.. உறுதியான முடிவெடுத்தாரா முதல்வர் விஜய்? விர்ச்சுவல் வாரியர்ஸ் இருப்பதால் எந்த கூட்டணியும் இல்லாமல் ஜெயிக்க முடியும் என்ற நம்பிக்கையா? காலம் விஜய்க்கு சாதகமாக இருக்குமா?
இந்தியா கூட்டணியில் தவெகவை இணைக்கும் முயற்சிக்கு விஜய் தரப்பில் இருந்து மறுப்பு தெரிவிக்கப்பட்டுள்ளதாகவும், தமிழகத்தை தாண்டி தேசிய அளவில் தனித்து போட்டியிடுவது அல்லது தனக்கென ஒரு புதிய கூட்டணியை உருவாக்குவது குறித்து விஜய் தரப்பு முடிவு செய்திருப்பதாகவும் காங்கிரஸ் கட்சிக்கு தகவல் சென்றுள்ளதாக அரசியல் வட்டாரங்களில் பரபரப்பாக பேசப்படுகிறது. இதனால் காங்கிரஸ் தரப்பில் அதிர்ச்சி ஏற்பட்டுள்ளதாகவும் கூறப்படுகிறது. குறிப்பாக, இந்தியா கூட்டணியின் எதிர்கால அரசியல் கணக்கில் விஜய்யை முக்கியமான சக்தியாக கருதியிருந்த நிலையில், அவர் தனிப்பாதையை தேர்வு செய்திருப்பதாக வெளியாகும் தகவல் காங்கிரஸுக்கு புதிய சிக்கலை ஏற்படுத்தியுள்ளதாக அரசியல் பார்வையாளர்கள் கூறுகின்றனர்.
இதற்கிடையில், தவெக அரசுக்கு காங்கிரஸ் வழங்கி வரும் ஆதரவை வாபஸ் பெறுவது குறித்து ஆலோசனை நடத்தப்படுவதாகவும் தகவல்கள் வெளியாகியுள்ளன. ஆதரவைத் திரும்பப் பெற்றால் அரசின் பெரும்பான்மை நிலை, சட்டசபை கணக்கு உள்ளிட்ட பல்வேறு விஷயங்களில் புதிய அரசியல் நெருக்கடி உருவாகலாம். இதே நேரத்தில் இந்தியா கூட்டணியில் திமுகவை மீண்டும் இணைப்பது தொடர்பாகவும் பேச்சுவார்த்தைகள் நடைபெற்று வருவதாக கூறப்படுகிறது. கனிமொழி உள்ளிட்ட முக்கிய தலைவர்கள் மூலமாக இந்த பேச்சுகள் நடைபெறுவதாகவும், ஆனால் இதுவரை எதிர்பார்த்த அளவுக்கு முன்னேற்றம் ஏற்படவில்லை என்றும் அரசியல் வட்டாரங்களில் பேசப்படுகிறது.
மறுபுறம், தவெக தரப்பு தனது தேசிய அரசியல் நிலைப்பாட்டில் உறுதியாக இருப்பதாக கூறப்படுகிறது. குறிப்பாக, விஜய்யை பிரதமர் வேட்பாளராக முன்னிறுத்த வேண்டும் என்பதில் கட்சி நிர்வாகிகள் உறுதியாக இருப்பதாக தகவல்கள் தெரிவிக்கின்றன. இதுதான் காங்கிரஸுக்கு மிகப்பெரிய சிக்கலாக பார்க்கப்படுகிறது. ஏற்கனவே ராகுல் காந்தியை பிரதமர் முகமாக வைத்து தேசிய அரசியலில் காங்கிரஸ் பயணித்து வரும் நிலையில், புதிதாக உருவாகியுள்ள தவெக, விஜய்யை முன்னிறுத்துவது கூட்டணி கணக்கை தலைகீழாக மாற்றக்கூடும். “ஆதரவு கொடுத்தவன் பின்னாலேயே வந்து அரசியல் போட்டிக்கு நிற்பானா?” என்ற அதிருப்தியும் காங்கிரஸ் தரப்பில் இருப்பதாக கூறப்படுகிறது.
ஆனால், இந்த அரசியல் சூழ்நிலையை வேறு கோணத்திலும் பார்க்கும் விமர்சகர்கள் உள்ளனர். பல ஆண்டுகளாக காங்கிரஸ் கட்சி பெரிய கட்சிகளுடன் கூட்டணி அமைத்து, பின்னர் ஏற்பட்ட அரசியல் முரண்பாடுகளால் கூட்டணி உறவுகள் பாதிக்கப்பட்ட சம்பவங்களை எதிர்க்கட்சிகள் விமர்சித்து வந்துள்ளன. அந்த பின்னணியில், தற்போது காங்கிரஸுக்கே விஜய் தரப்பிலிருந்து அரசியல் சவால் உருவாகியிருப்பது ஒருவிதமான “பூமராங் அரசியல்” என விமர்சகர்கள் கூறுகின்றனர். “காலம் எல்லாவற்றுக்கும் கணக்கு வைத்திருக்கும்; இன்று போடும் அரசியல் காய் நாளை நம்மை நோக்கியே திரும்பலாம்” என்ற பேச்சும் அரசியல் வட்டாரங்களில் எழுந்துள்ளது.
இந்நிலையில், அடுத்த சில மாதங்கள் தவெக அரசுக்கு மிகவும் முக்கியமானதாக இருக்கலாம். காங்கிரஸ் தனது ஆதரவை வாபஸ் பெற்றால், அரசு அதை எப்படி சமாளிக்கும் என்பது மிகப்பெரிய கேள்வியாக இருக்கும். அதே நேரத்தில் விஜய் தரப்பும் இந்த சாத்தியத்தை கணக்கில் எடுத்தே செயல்பட்டு வருவதாக கூறப்படுகிறது. ஆதரவு வாபஸ் பெறப்பட்டாலும் ஆட்சியைத் தொடர்ந்து நடத்துவதற்கான மாற்று அரசியல் கணக்கு அல்லது “பிளான் பி” ஏற்கனவே தயாராக இருக்கிறதா என்ற கேள்வியும் எழுந்துள்ளது. “ஆதரவு இருக்கும் வரை ஆட்சி… ஆதரவு போனால் ஆட்டம் முடிந்துவிடும் என்று நினைத்துவிடாதீர்கள்” என்ற வகையில் தவெக தரப்பின் அரசியல் நகர்வுகள் இருக்கலாம் என்றும் சிலர் கருதுகின்றனர்.
மொத்தத்தில், விஜய் தனியாக தேசிய அரசியலில் களம் காணப்போகிறாரா, தனக்கென புதிய கூட்டணியை உருவாக்கப்போகிறாரா, அல்லது கடைசி நேரத்தில் இந்தியா கூட்டணியுடன் ஏதேனும் சமரசம் ஏற்படுமா என்பதுதான் அடுத்த முக்கிய கேள்வியாக உள்ளது. மறுபுறம், காங்கிரஸ் உண்மையில் ஆதரவை வாபஸ் பெறுமா, திமுகவை மீண்டும் தன்னுடன் இணைக்க முடியுமா என்பதும் கவனிக்க வேண்டிய விஷயம். ஒருபுறம் ராகுல் காந்தியின் தேசிய அரசியல் கணக்கு; மறுபுறம் விஜய்யின் வளர்ந்து வரும் அரசியல் கணக்கு என களம் சூடுபிடித்துள்ளது. “ஆதரவை வாபஸ் வாங்குவது காங்கிரஸின் முடிவாக இருக்கலாம்… ஆனால் அதற்குப் பிறகு என்ன நடக்கும் என்பதை முடிவு செய்வது விஜய்யின் அடுத்த காய்!” என்பதால், இந்த அரசியல் ஆட்டத்தின் அடுத்த நகர்வை பொறுத்திருந்துதான் பார்க்க வேண்டும்.