தமிழக அரசியல் களம் தற்போது தேர்தலை முன்னிட்டு பெரும் பரபரப்புடன் இயங்கி வருகிறது. இந்ச் சூழலில், தமிழக வெற்றிக் கழகம் மற்றும் அதன் தலைவர் விஜய்யின் அரசியல் நகர்வுகள் குறித்து பல்வேறு விவாதங்கள் மேலெழுந்துள்ளன. குறிப்பாக, தேர்தல் பிரச்சாரத்தின்போது திமுக உள்ளிட்ட மாற்று கட்சிகள் செய்த ஏற்பாடுகளில் தவெகவின் வாகனங்கள் புகுந்து மக்களின் வரவேற்பை பெற்றது ஒரு சுவாரசியமான நிகழ்வாக பார்க்கப்படுகிறது.
திமுகவினர் சில இடங்களில் காசு கொடுத்து பூக்களை தூவ ஆட்களை நிறுத்தி வைத்திருந்த நிலையில், அந்த பக்கமாக தற்செயலாக தவெக தலைவர் வந்த வண்டி வர, எதுவென்று தெரியாமல் அங்கிருந்த பெண்கள் தவெக-வின் வாகனத்தின் மீதே பூக்களைத் தூவி வரவேற்ற வீடியோக்கள் சமூக வலைதளங்களில் ட்ரோல் செய்யப்பட்டு வருகின்றன. இது அரசியல் களத்தில் ஒரு தற்செயலான மார்க்கெட்டிங் தந்திரமாக மாறி, அக்கட்சியின் பிம்பத்தை இளைய தலைமுறை மற்றும் பொதுமக்களிடையே கொண்டு சேர்த்துள்ளது.
திமுகவின் தேர்தல் அறிக்கையில் இடம்பெற்றுள்ள செயற்கை நுண்ணறிவு குறித்த வாக்குறுதிகள் தற்போது கடுமையான விமர்சனத்திற்கு உள்ளாகியுள்ளன. தேர்தல் அறிக்கையின் முகப்பு பக்கத்திலேயே ஏஐ மூலம் உருவாக்கப்பட்ட படங்கள் குளறுபடியாக இருப்பதாக சமூக வலைதளங்களில் சுட்டிக்காட்டப்படுகிறது. உதாரணமாக, பேருந்தின் எண் பலகை மற்றும் தமிழ்நாடு கோபுர சின்னம் ஆகியவை தெளிவற்ற மொழியில் பதிவு செய்யப்பட்டிருப்பதாக குற்றச்சாட்டுகள் எழுகின்றன.
மேலும், ஒரு படத்தில் ஆந்திராவின் முன்னாள் முதல்வர் ராஜசேகர் ரெட்டியின் புகைப்படம் இடம்பெற்றுள்ளது போன்ற பிழைகள், ஒரு தேர்த அறிக்கையை தயாரிப்பதிலேயே இவ்வளவு கவனக்குறைவாக இருக்கும் கட்சி, எப்படி தமிழ்நாட்டை தொழில்நுட்ப ரீதியாக 50 ஆண்டுகளுக்கு முன்னேற்றும் என்ற கேள்வியை எழுப்புகிறது. டேட்டா சென்டர்களுக்கு தேவையான மின்சாரம் மற்றும் தண்ணீர் வசதிகளை செய்து தரவே முடியாத நிலையில், ஏஐ குறித்து பேசுவது வெற்று முழக்கம் என்று விமர்சிக்கப்படுகிறது.
தேர்தல் நேரத்தில் வழங்கப்படும் வாக்குறுதிகள் மற்றும் கூப்பன்கள் குறித்தும் சர்ச்சைகள் எழுந்துள்ளன. 8000 ரூபாய் மதிப்புள்ள கூப்பன் என்று சொல்லப்படும் பிட் நோட்டீஸ் விநியோகம் செய்யப்ப்டுகிறது. இது தேர்தலுக்காக மக்களை ஏமாற்றும் ஒரு தந்திரம் என்றும் கூறப்படுகிறது. தேர்தல் ஆணையம் இத்தகைய முறைகேடுகளை கண்டுகொள்ளாமல் இருப்பதாகவும், ஏழை மக்களை ஏமாற்றி வாக்கு வாங்க இத்தகைய யுக்திகள் பயன்படுத்தப்படுவதாகவும் கூறப்படுகிறது. இது ஜனநாயகத்தின் புனிதத்தை குலைக்கும் செயல் என்று அரசியல் ஆர்வலர்கள் கவலை தெரிவிக்கின்றனர்.
இறுதியாக, தமிழக அரசியலில் ஒரு மாற்றத்திற்கான தேவை மிக வலுவாக உணரப்படுகிறது. 2021 தேர்தலில் மக்கள் ஒரு விடியலை எதிர்பார்த்து வாக்களித்த நிலையில், தற்போது நிலவும் சூழல் ஏமாற்றத்தையே தந்துள்ளதாக பலரும் கருதுகின்றனர். தேர்தல் முடிவுகளில் திமுக மற்றும் அதிமுகவை தாண்டி புதிய அரசியல் சக்திகள் எத்தகைய தாக்கத்தை ஏற்படுத்தும் என்பது பெரும் எதிர்பார்ப்பை ஏற்படுத்தியுள்ளது. குறிப்பாக, தவெக மற்றும் நாம் தமிழர் போன்ற கட்சிகள் பெரும் வாக்கு சதவிகிதத்தைப் பெறுவதற்கான வாய்ப்புகள் இருப்பதாகவும், இது ஒரு தலைமுறைக்கான மாற்றமாக அமையும் என்றும் கணிக்கப்படுகிறது. மே 4-ம் தேதி வெளியாக போகும் தேர்தல் முடிவுகள், தமிழகம் உண்மையான வளர்ச்சியை நோக்கிப் பயணிக்கப் போகிறதா அல்லது பழைய அரசியல் சூழலிலேயே சிக்கிக் கிடக்கப் போகிறதா என்பதை தீர்மானிக்கும் ஒரு வரலாற்று நிகழ்வாக அமையும்.