தமிழக வெற்றிக் கழகத்தின் தலைவர் விஜய் தலைமையில் புதிய அரசு பொறுப்பேற்றுள்ள சூழலில், டாஸ்மாக் நிர்வாகத்தில் கொண்டு வரப்பட்டுள்ள அதிரடி மாற்றங்கள் மற்றும் வருடத்திற்கு 3000 கோடி ரூபாய் அரசுக்குக் கூடுதல் வருவாய் வரப்போகிறது என்ற தகவல் தற்பொழுது அரசியல் களத்தில் பெரும் பரபரப்பை ஏற்படுத்தியூள்ளது. டாஸ்மாக்கை படிப்படியாகக் குறைப்போம் என்று தேர்தல் மேடைகளில் முழங்கிவிட்டு, தற்பொழுது டாஸ்மாக் கமிஷனுக்கு புதிய அரசு வேலை பார்க்கத் தொடங்கிவிட்டதா என்றும், இதுதான் இவர்கள் பேசும் மாற்று அரசியலா என்றும் எதிர்க்கட்சிகள் மற்றும் சமூக வலைத்தளங்களில் சிலர் கடுமையான விமர்சனங்களை முன்வைக்கத் தொடங்கியுள்ளனர்.
ஆனால், இந்த 3,000 கோடி ரூபாய் கூடுதல் வருவாய் என்ற கணக்கின் பின்னணியில் உள்ள எதார்த்தத்தை நாம் சற்று ஆழமாக உற்று நோக்க வேண்டியுள்ளது. இந்த பெரும் தொகை என்பது குடிப்பவர்களின் தலையில் தற்பொழுது புதிதாக சுமத்தப்பட்ட வரிப்பணமோ அல்லது மதுபானங்களின் விலை உயர்வோ கிடையாது என்பதுதான் இதில் இருக்கும் மிக முக்கியமான நிஜம். இதற்கு முன்னரும், மதுபானம் வாங்கும் சாமானிய மனிதன் ஒரு பாட்டிலுக்கு நிர்ணயிக்கப்பட்ட விலையை விட கூடுதலாகப் பத்து ரூபாயைத்தான் நேற்றும் கொடுத்து வந்தான், இன்றும் கொடுத்துக் கொண்டுதான் இருக்கிறான்; குடிமக்களுக்கு இதில் எந்த புதிய மாற்றமும் சுமை உயர்வும் ஏற்படவில்லை.
இங்கு ஏற்பட்டுள்ள உண்மையான வித்தியாசம் என்னவென்றால், இவ்வளவு காலமாக சாமானிய குடிகாரர்களின் பாக்கெட்டிலிருந்து வசூலிக்கப்பட்ட அந்த கூடுதல் பத்து ரூபாய் தற்பொழுது முறைப்படுத்தப்பட்டு நேரடியாக தமிழக அரசின் கருவூலத்திற்குச் செல்ல போகிறது. ஒரு நாளைக்குத் தோராயமாக ஒரு கோடி மதுபான பாட்டில்கள் விற்பனையாகிறது என்று கணக்கிட்டால், ஒரு நாளைக்கு கூடுதலாக 10 கோடி ரூபாயும், ஒரு மாதத்திற்கு 300 கோடி ரூபாயும் வசூலாகிறது. இந்த முறைப்படுத்தப்பட்ட கணக்கின்படி, வருடத்திற்கு 3,600 கோடி ரூபாயும் தற்பொழுது அரசுக்கு கூடுதல் வருவாயாக கிடைக்க வழிவகை செய்யப்பட்டுள்ளது.
இந்த இடத்தில்தான் ஒட்டுமொத்த தமிழக மக்களும் கேட்க வேண்டிய மிக முக்கியமான, சுவாரசியமான கேள்வியும் அந்த பெரிய அரசியல் திருப்பமும் ஒளிந்திருக்கிறது. கடந்த ஐந்து ஆண்டுகால முந்தைய ஆட்சியில் இதேபோன்று வசூலிக்கப்பட்ட பல ஆயிரம் கோடி ரூபாய் பணம் ஏன் அரசு கணக்கிற்கு போகவில்லை என்ற கேள்வி தற்பொழுது பலமாக எழுப்பப்பட்டு வருகிறது. இதுகுறித்து தற்போதைய மதுவிலக்கு துறை அமைச்சர் வெளிப்படையாகப் பேசுகையில், முந்தைய ஆட்சியில் இதற்குப் பின்னணியில் ஒரு மிகப்பெரிய சட்டவிரோத சிண்டிகேட் இயங்கி வந்தது என்ற அதிர்ச்சியூட்டும் உண்மையை உடைத்துள்ளார்.
முந்தைய காலகட்டத்தில் ‘நான் எடுக்கும்போது நீ சொல்லாதே, நீ எடுக்கும்போது நான் சொல்ல மாட்டேன்’ என்ற தங்களுக்குள்ளான ரகசியப் புரிந்துணர்வின் அடிப்படையில்தான் இந்த சட்டவிரோதப் பணப் பரிவர்த்தனைகள் இத்தனை காலம் தடையின்றித் தொடர்ந்து வந்துள்ளன. இத்தகைய முறைகேடுகளைத் தற்போதைய புதிய அரசு மிகத் துல்லியமாகக் கண்டுபிடித்து முடக்கியுள்ளதால், திரைக்குப் பின்னால் இருந்த அந்த மாபெரும் ஊழல் சிண்டிகேட் தற்பொழுது பெரும் பயத்தில் உறைந்துள்ளது. அரசின் இந்த அடுத்தடுத்த அதிரடி நடவடிக்கைகளால், இன்னும் என்னென்ன முறைகேடுகள் வெளிவரப் போகிறதோ என்ற கலக்கம் தற்பொழுது முந்தைய ஆளுங்கட்சியினர் மத்தியில் பரவியுள்ளது.
எனவே, டாஸ்மாக் கமிஷனுக்கு உண்மையில் வேலை பார்ப்பது யார் என்பதை மக்கள் தற்பொழுது சுயபரிசோதனை செய்யத் தொடங்கியுள்ளனர். மக்கள் பணத்தைக் கொள்ளையடித்து, அதனை ஒரு குறிப்பிட்ட தனிக்குடும்பத்தின் சுயநலத்திற்காகவும் அவர்களின் சொந்த முன்னேற்றத்திற்காகவும் மட்டுமே கொண்டு சேர்த்தவர்களா? அல்லது அந்த ஊழல் ஓட்டைகளை அடைத்து, அந்த 3,000 கோடி ரூபாய் பணத்தை அரசு பொது கணக்கில் சேர்த்து தமிழ்நாட்டில் உள்ள கோடிக்கணக்கான ஏழை எளிய மக்களின் நலத்திட்டங்களுக்கு பயன்படுத்த நினைப்பவர்களா? என்பதை நடுநிலையான பொதுமக்கள் தற்பொழுது நன்கு உணர்ந்துள்ளனர்.