விஜய்யால என்னென்னால் செய்ய முடியாதுன்னு நீங்க சொன்னீங்களோ அதை அத்தனையும் செஞ்சுகிட்டு இருக்காரு.. கட்சி ஆரம்பிச்சதில் இருந்து முதல்வராகும் வரை நீங்க முடியாதுன்னு சொன்னீங்க.. அவர் முடித்து காட்டினார்.. அதே மாதிரி தான் இந்த இடைத்தேர்தலும்.. நீங்க விஜய் ஜெயிக்க மாட்டாருன்னு சொல்றீங்க. அவரு ஜெயிக்கிறது மட்டுமல்ல, எல்லாரையும் டெபாசிட் கூட வாங்க விடமாட்டார்.. நடக்குதா, இல்லையான்னு 9ஆம் தேதி வரைக்கும் பொறுத்திருந்து பாருங்க…
தமிழக அரசியலில் மாற்றம் என்பது எப்போதுமே ஒரு தனிநபரின் மீதான அதித நம்பிக்கையினாலும், மக்கள் மனதில் எழும் ஒருவித எழுச்சியினாலும் தான் சாத்தியமாகியிருக்கிறது. அந்த வகையில், திரையுலகில் தனது கடின உழைப்பால் உச்சத்தை தொட்டு, அதன் பின் மக்களின் நலனுக்காக அரசியல் களம் கண்ட தமிழக வெற்றிக் கழகத்தின் தலைவர் விஜய், ஒரு புதிய அரசியல் வரலாற்றைப் படைத்துக் கொண்டிருக்கிறார். ஆரம்ப காலத்தில் இவர் கட்சித் தொடங்க மாட்டார் என்று விமர்சித்த எதிர் அரசியல் குரல்களுக்கு எல்லாம் தனது ஒவ்வொரு முடிவின் மூலமும் அவர் பதில் அளித்து வருகிறார். பிப்ரவரி 2, 2024 அன்று தமிழக வெற்றிக் கழகம் என்ற அரசியல் கட்சியை அதிகாரப்பூர்வமாக அறிவித்த போது, அதனை வெறும் ஒரு நடிகரின் தற்காலிக ஆசை என்று எளிதாகக் கடந்து செல்ல முயன்ற அரசியல் தலைவர்கள் பலருக்கு, அடுத்தடுத்து அவர் எடுத்த அதிரடி முடிவுகள் பெரும் வியப்பை ஏற்படுத்தின. தவெக தலைவர் விஜய் வெறும் வாக்குறுதிகளை மட்டும் கொடுக்கும் அரசியல்வாதி அல்ல; மாறாக, களத்தில் இறங்கி போராடும் ஒரு தலைவன் என்பதைத் தனது ஒவ்வொரு நடவடிக்கையிலும் தொடர்ந்து நிரூபித்து வருகிறார்.
அரசியல் கட்சி தொடங்கியவுடன் ஒரு மாநாட்டைக் கூட நடத்த முடியாது என்று எள்ளல் ஆடியோருக்குப் பதிலாக, அக்டோபர் 27, 2024 அன்று விக்கிரவாண்டியில் அவர் நடத்திய முதல் மாநில மாநாடு தமிழக அரசியலின் போக்கையே மாற்றியமைத்தது. தமிழகத்தின் நாலாபுறத்திலிருந்தும் லட்சக்கணக்கான தொண்டர்களும், மக்களும் திரண்டு வந்த அந்த மாநாடு, விஜய்யின் அரசியல் செல்வாக்கை வெளிச்சம் போட்டுக் காட்டியது. கொள்கை இல்லாத கட்சி என்று விமர்சித்தவர்களுக்குப் பதிலாக, “பிறப்பொக்கும் எல்லா உயிர்க்கும்” என்ற சமத்துவக் கோட்பாட்டைத் தனது முதன்மைக் கொள்கையாக பிரகடனம் செய்தார். புரட்சியாளர் அம்பேத்கர், தந்தை பெரியார், பெருந்தலைவர் காமராஜர், வீரமங்கை வேலுநாச்சியார் மற்றும் அஞ்சலை அம்மாள் ஆகியோரைத் தனது அரசியல் வழிகாட்டிகளாக ஏற்றுக்கொண்டதாக அறிவித்தார். மேலும், மதவாத அரசியலை கொள்கை எதிரியாகவும், ஊழல் மற்றும் குடும்ப அரசியலை அரசியல் எதிரியாகவும் மிகத் தெளிவாக அடையாளம் காட்டி, தனக்கான அரசியல் பாதையை அழுத்தமாகப் பதிவு செய்தார்.
முதல் மாநாடு ஏதோ ஒரு வகையில் நடந்துவிட்டது, இரண்டாவது மாநாட்டை நடத்த முடியாது என்ற சவால்களையும் முறியடித்து, ஆகஸ்ட் 21, 2025 அன்று தென் தமிழகமான மதுரையில் விக்கிரவாண்டியை விட பிரம்மாண்டமான இரண்டாவது மாநில மாநாட்டை வெற்றிகரமாக நடத்தி முடித்தார். வெறும் மாநாடுகளுடன் தனது பயணத்தை நிறுத்திக் கொள்ளாமல், திருச்சி, பெரம்பலூர், அரியலூர், நாகப்பட்டினம், திருவாரூர், மயிலாடுதுறை, தஞ்சாவூர், நாமக்கல், கரூர் என தமிழகத்தின் மூலை முடுக்கெல்லாம் நேரடியாகச் சென்று மக்களைச் சந்தித்தார். கரூர் மாவட்டத்தில் நடந்த எதிர்பாராத துயரச் சம்பவத்தின் போது, அவர் காட்டிய நிதானமும், பாதிக்கப்பட்ட மக்களின் குடும்பங்கள் அவருக்கு அளித்த மகத்தான ஆதரவும், அவர் மீது மக்கள் வைத்துள்ள ஆழமான நம்பிக்கையை உலகிற்கு உணர்த்தியது. எந்த ஒரு நெருக்கடியிலும் மக்களின் பக்கம் நின்று போராடும் குணம் அவரை ஒரு சாதாரண நடிகரிலிருந்து, மக்களின் உண்மையான அரசியல் தலைவனாக உருமாற்றியது.
தேர்தல் நெருங்கும் வேளையில், 234 தொகுதிகளிலும் போட்டியிட வேட்பாளர்கள் கிடைப்பார்களா என்ற சந்தேக எழுப்பல்களுக்குத் தனது அதிரடி அறிவிப்பால் முற்றுப்புள்ளி வைத்தார். அனைத்துத் தொகுதிகளிலும் தனித்துப் போட்டியிடுவதாக அறிவித்து, ஒரே நேரத்தில் 234 தொகுதிகளுக்கும் தகுதியான வேட்பாளர்களை களமிறக்கினார். தானும் போட்டியிட மாட்டார் என்று கூறிய அரசியல் விமர்சகர்களின் கணிப்புகளைப் பொய்யாக்கி, மக்கள் மீதிருந்த அளப்பரிய நம்பிக்கையால் ஒரே சமயத்தில் இரண்டு தொகுதிகளில் போட்டியிட்டு வரலாற்றுச் சிறப்புமிக்க வெற்றியைப் பதிவு செய்தார். கூட்டத்திற்கு வரும் கூட்டமெல்லாம் வாக்குகளாக மாறாது என்று தொடர்ந்து பிரச்சாரம் செய்த வாடகை விமர்சகர்களின் கூற்றுக்களைத் தகர்த்து, தமிழகத்தின் முதலமைச்சர் நாற்காலியில் அமர்ந்து ஒரு புதிய அரசியல் புரட்சியைச் சாத்தியமாக்கினார்.
தற்போது நடைபெறவுள்ள இடைத்தேர்தலிலும் தமிழக வெற்றிக் கழகம் வெற்றி பெறாது என்றும், அவருக்கு எதிராக கூட்டணிகளை அமைத்து வீழ்த்திவிடலாம் என்றும் சிலர் கணக்கு போட்டு வருகிறார்கள். ஆனால், ஆரம்பத்தில் இருந்தே “நடிகரால் கட்சி தொடங்க முடியாது” என்பதில் தொடங்கி, “அவர் முதலமைச்சராக முடியாது” என்பது வரை தோல்வியடைந்த விமர்சகர்களின் வரிசையில், இந்த இடைத்தேர்தல் தொடர்பான கூற்றுகளும் போய்ச் சேரும் என்பதில் எள்ளளவும் சந்தேகமில்லை. ஏனெனில், விஜய் என்னும் தலைவரின் பின்னணியில் இருப்பது வெறும் அரசியல் தந்திரங்கள் அல்ல, மாறாகப் பல ஆண்டுகளாக அவர் ஈட்டிய மக்களின் உண்மையான அன்பும், அர்ப்பணிப்பும் தான். போராட்டங்கள், தடைகள், மற்றும் எதிர்ப்புகளைத் தாண்டி முதலமைச்சராகப் பொறுப்பேற்ற அவருடைய வெற்றிப் பயணம், இடைத்தேர்தலிலும் எதிரொலிக்கும் என்பதில் மாற்றுக்கருத்து இல்லை.
மக்களின் பேராதரவோடு நடந்தேறிய அந்த அரசியல் புரட்சி, இந்த இடைத்தேர்தலிலும் தொடரவே போகிறது. எத்தனை கூட்டணிகள் அமைக்கப்பட்டாலும், எத்தனை விமர்சனங்கள் முன்வைக்கப்பட்டாலும், மக்கள் மனதை வென்ற ஒரு தலைவனை வீழ்த்துவது சாத்தியமற்றது. போராடிப் போராடி வெற்றிபெற்ற விஜய் எனும் மக்கள் தலைவன், மீண்டும் ஒருமுறை வரவிருக்கும் அக்டோபர் 9 அன்று நடைபெறவுள்ள நிகழ்வுகளின் மூலம் தனது உண்மையான செல்வாக்கையும், மக்களின் தீர்ப்பையும் உலகுக்கு நிரூபிப்பார். தமிழகத்தின் அரசியல் வரலாற்றில் விஜய்யின் இந்த வெற்றிப் பயணம், வரும் காலங்களில் மக்களுக்காகப் போராடும் ஒவ்வொரு தலைவனுக்கும் ஒரு பெரும் பாடமாகவும், நம்பிக்கையின் அடையாளமாகவும் என்றும் நிலைத்து நிற்கும்.